Shuny adharit budget padhati lagat laabh vishleshan par adharit hai jise sarvjanik sevaon par laagu nahi kiya jaa sakta. Thodi sib hi asavdhani hone par is budgeting ka kriyanvayan kathin ho jaata hai. Karyon ka vishelshan evam mulyankan karne mein kaafi adhik samay lag jaata hai. Yah padhati aaygat praptiyon ki madon ke mulyankan mein adhik upyogi nahi hai. Samay samay par is padhati mein sudhar karna aavashyak hota hai. Is padhati ko rashtrpati, loksabha adhyaksh, upadhyaksh, rajy sabha ke adhhyaksh evam upadhyaksh, srvochh nyayalaya evam uchh nyayalaya ke nyayadheeshon par laagu nahi kiya jaa sakta hai. Naukarshahi bhi iska virodh karti hai.

Shuny Adharit Budget Ki Seemayein

Hinarth prabandhan (ghate ki vitt vyavastha)

Hinarth prabandhan se abhipray sarkar dwarar prabandhit us dhan rashi se hai jisme sarkar apni samany aay se adhik vyay karti hai. Doosre shabadon mein, sarkar ke smbhavit vyay uski sambhavit aay se adhik hone par unko poora karne ke liye sarkar jo upay karti hai use hinarth prabandhan kahte hain. Is sambandh mein pashchimi evam bhartiy arthshastriyon mein matbhed hai. Pashchimi deshon mein prachalit vichardhara ke anusar jab sarkar apne vyayon ko poora karne ke liyer an leti hai to use hi hinarth prabandhan khate hain parantu bharat mein hinarth prabandhan ka arth alag prakar se lagaya jaata hai. Bhart mein ghate ki vitt vyavastha se abhipray sarkar dwara budget keg hate ko adhik note chhapkar athva kednriy bank se ran lekar poora karne se hai. Dono hi dashaon ke antargat desh mein mudra ki matra mein vradhi hoti hai.

Doctor v k r vi rao ke anusa jab sarkar jaanboojhkar kisi uddeshy se apni aay se adhik vyay kare or apne ghate ki poorti kisi bhi aisi vidhi se kare jisse desh mein mudra ki matra badhe to use hinarth prabandhan kahna chahiye. Bhartiy yojana aayog ke anusar: hintart prabandhan  shabad ka paryog budget keg hate dwara kul rashtriy vyay mein pratyaksh vradhi ko pradarshit karne ke liye kiya jaata hai. Ye ghate chahe agam khate se sambandhit ho ya poonji khate se.

Ghate ke budget evam ghate ki vitt vyavastha mein antar

Jab kisi desh ke budget mein chaalu aay ki apeksha vyay adhik dikhaya jaata hai to use ghate ka budget kahte hain. Iske viprit jab sarkar is ghate ko poora karne ke liye kisi bhi vidhi ko apnait hai (ran lekar, sanchit koshon ka prayog karke, note chhapkar) use ghate ki vitt vyavastha khate hai.

Hinarth prabandhan ke uddeshy
Mandikaleen ke prabhavon ko rakane ke liye. Niji viniyogon ki kami ko poora karne ke liye. Yudhkaleen vyay ki poorti karna tatha arthik vikas kel iye vitt vyavastha karna.

Hitnarth prabandhan ke prabhav

Hearth prabandhan ke prabhavon ka adhhyan nimnlikhit shirshakaon ke antargat kiya jaa sakta hai -
Mulyon mein teevr vradhi: hinarth prabandhan muyon mein teevr vradhi karta hai. Hinarth prabandhan ke parinamswaroop atirikt mudra chalan mein aa jati hai tatha modrik aay bhad jaatai hai or vastuon evam sevaon ki kul maang mein vradhi ho jaati hai. Pranatu modrik aay ki vradhi ke anupat meinv astuon or sevaon ka utpadan nahi bhadta jisse unki mang va poorti mein asuntalan utpann ho jata hai. Is parkar kul maang mein vradhi ho jaane ke karan keemat star mein vradhi hone lagti hai.

Rojgar par prabhav: mandi kaal mein ghate ki vitt vyavastha ka rojgar par anukool prabhav padta ahi. Ghate ki vitt vyavastha se ek or sarvjanik nirman karyon dwara janta ke hathon mein atirikt kray shakti pahunchati hai tatha dosri or mulyon mein vradhi ke karan udhyogpati evam vyavsayi varg protsahit hota hai. In donon baton ka hi rjgar ki dashaon mein anukool prabhav padta hai.

Bachaton par dushprabhav: hinarth prabandhan ke karan mulyon mein vradhi hoti hai. Falswaroop logon ki aay ka adhikansh bhaag upbhog par vyay ho jaata hai jisse bachatein hatotsahit ho jaati hai.

Saakh nirman mein vradhi: hinarth prabandhan dwara janta ke haath mein adhik kray shakti pahunch jaati hai jisse bankon ki jamaon mein vradhi ho jaati hai or bank adhik matra mein saakh rajan karne mein safal ho jaate hain.

Aay va arthik vishamtayein: hinarth prabandhan samaj mein aay or dhan ki vishamtaon ke obadha deta hai. Amir adhik amir or garib adhik garib ban jaate hain. Iska karan yah hai ki dhanikon ki aay muly vradhi ki apeksha adhik bhadati hai jabki nirdhanon ki aay muly vradhi ki apeksha kam bhadati hai.


Any prabhav: hinarth prabandhan mein vyavsayi varg ka naitik star gir jaata hai. Jamakhori, chorbajari, munafakhori aadi dosh samaj mein utpann ho jaate hain. Vastuon ka kratrim abhav ho jaata hai. Shramik varg sarvatr asantosh ki jwala bhadak uthait hai jiske bhaynakar dishparinaam hote hain.