Utpadan ke vibhinn roopon ke prati tatasht: muly vardhit kar, vikary kar se is arth mein bhinn hai ki yadi vikray kar lagaya jaata hai to vibhinn utpadan kriyaon ke anusar kar bahar alag alag hota hai jiske falsvaroop kar ka bhar bhad jaata hai jintu muly vardhit kar sabhi sthitiyon mein saman rahta hai.

Kar vanchan mein kami: muly vardhit kar mein chori ka bhay kam rahta hai kyonki pratyek firm ko keval muly vradhi par hi kar dena padta hai jo vikray kar kit ulna mein kaafi kam hota hai.

Niryat protsahan: muly vardhit kar ko utpadan lagat se saralta se prathak kiya jaa sakt ahai tatha kar bhar ko prathak karke niryat vyapar ko protsahit kiya jaa sakta hai. Yadi ham any karon se tulna kare to paate hain ki muly vardhit kar niryat vyapar badhane mein adhik sahayak hai.

Muly niyantran mein sahayak: vikray kar ke falswaroop kar kit ulna mien mulyon mein adhik vradhi hoti hai kintu muly vardhit kar ka bhar sabhi utpadan kki rkiyaon mein saman hone se muly mein adhik vradhi nahi hoti.

Vyavharik: any karon ki tulna mein muly vardhit akr adhik vyavharik hai.
Firm ki utpadan shamta mein vradhi: muly vardhit kar laabh ka adhar par na lgaya jakar utpadan ki matra ke anusar lagaya jaata hai. Laabh ho ya hani, firm ko kar dena hi padta hai. Atah pratyek firm yah prayas karti hai ki nyuntam lagat par adhiktam utpadan kare.

Bharat mein vat ki samasyaein: bharat mein vat ke karyanvayan mein aane wali pramukh samasyaein nimnlikhit hain -
Sanvaidhanik samasyaein: bharat mein vat ke prarambh se hi anek rajnaitik evam sanvaidhanik samasyaein khadi hot rahi hain jaise kya vat rashtriy star par lagaya jaaye ya prantiy star par? Isse ek vistfotak rajnaitik samasya utpann hoti hai jo prantiy svayatta se sambandhit hai.

Prashasanik samasyaein: vyavhar kiye jaane wale kardataon ki sankhya jyon hi ham vitt vyavharon ki shrankhala mein neeche utarte hain bahut lambi ho jaati hai. Chote vyapari keval purane dhang se hisab kitab rakhte hain.

Rajasv sambandhi vichar: vat se prapt aay paroksh karon ki vartman pranali se prapt aay se bahut kam hai. Is prakar yah kar sarkar ki ghate ki vitt vyavastha karne ke liye vivash karta hai.

Vikassheel deshon ka anubhav: sansar ke bahut vikassheel deshon ka anubhav bharat mein vat ke prarambh ka samarthan nahi karta, kyonki isse sarkar par atirik vitty evam prashasanik bojh padta hai.

Laagu karne mein kathinaiyan: muly vardhit kar ko laagu karne ke liye ek saksham evam karysushal prashasan tantr ki aavashyakta hoti hai jo utpadan ki vibhinn pranli mein hone wali muly vradhi ka sahi lekha jokha rakh sake prantu is prakar ke kushal karmchari na hone se ise laagu karne mien kathinayi hoti hai.

Kardataon ke sahyog ke bina laagy karna asambhav: yah kar pranali usi samay laagu ki ja sakti hai jab sarkar ko kardataon ka poora sahyog mile. Iske liye firmon ko utpadan va muly ki sahi ganana karna jaroori hai. Firmon ko iska hisab bhi rakhna pdata hai ki utpadan mein jin any firmon se samagri kray ki gayi hai unhone kitne kar ka bhugtan kiya hai.


Ganana sambandhi kathinayina: is kar ki ganana karna saral nahi hai kyonki isme kaafi jatilta rahti hai.